January 17, 2025January 17, 2025 5:28 pm
पंचाचार के अतिचार
।। पंचाचार के अतिचार ।।
नाणम्मि दंसणम्मि अ,
चरणम्मि तवम्मि तह य वीरियम्मि.
आयरणं आयारो,
इअ एसो पंचहा भणिओ..१.
काले विणए बहमाणे,
उवहाणे तह अनिण्हवणे.
वंजण-अत्थ-तदुभए,
अट्ठविहो नाणमायारो…. २
निस्संकिअ निक्कंखिअ,
निव्वितिगिच्छा अमूढ-दिट्ठी अ.
उववूह-थिरीकरणे,,
वच्छल्ल-पभावणे अट्ठ… ३
पणिहाण-जोग-जुत्तो,
पंचहिं समिईहिं तीहिं गुत्तीहिं.
एस चरित्तायारो,
अट्ठविहो होइ नायव्वो..४
बारस-विहम्मि वि तवे, सब्भिंतर-बाहिरे कुसल-दिढे. अगिलाइ अणाजीवी, नायव्वो सो तवायारो… ५
अणसण-मूणोअरिया,
वित्ति-संखेवणं रसच्चाओ.
काय-किलेसो संलीणया,
य बज्झो तवो होइ. ……………….६ .
पायच्छित्तं विणओ,
वेयावच्चं तहेव सज्झाओ.
झाणं उस्सग्गो वि अ,
अब्भिंतरओ तवो होइ…. ७
अणिगूहिअ-बल-वीरिओ,
परक्कमइ जो जत्तमाउत्तो.
जुंजइ अ जहाथाम,
नायव्वो वीरियायारो.. .८