सिद्धाणं बुद्धाणं सूत्र

।। सिद्धाणं बुद्धाणं सूत्र ।।
सिद्धाणं बुद्धाणं, पार-गयाणं परंपर-गयाणं
लोअग्ग-मुवगयाणं, 
नमो सया सव्व-सिद्धाणं    1 

जो देवाण वि देवो, 
जं देवा पंजली नमंसंति
तं देव-देव-महिअं, 
सिरसा वंदे महावीरं    2 

इक्को वि नमुक्कारो, 
जिणवर-वसहस्स वद्धमाणस्स
संसार-सागराओ, तारेइ नरं व नारिं वा    3 

उज्जिंत-सेल-सिहरे, 
दिक्खा नाणं निसीहिआ जस्स
तं धम्म-चक्कवट्टिं, अरिट्ठ-नेमिं नमंसामि    4 

चत्तारि अट्ठ दस दो य, वंदिया जिणवरा चउव्वीसं
परमट्ठ-निट्ठि-अट्ठा,
 सिद्धा सिद्धिं मम दिसंतु    5