उवसग्गहरं सूत्र

।। उवसग्गहरं सूत्र ।।
उवसग्ग-हरं पासं,
पासं वंदामि कम्म-घण-मुक्कं।
विसहर-विस-निन्नासं,
मंगल-कल्लाण-आवासं। १.

विसहर-फुलिंग-मंतं,
कंठे धारेइ जो सया मणुओ।
तस्स गह-रोग-मारी,
दुट्ठ-जरा जंति उवसामं २.
चिट्ठउ दूरे मंतो,
तुज्झ पणामो वि बहु-फलो होइ।
नर-तिरिएसु वि जीवा,
पावंति न दुक्ख-दोगच्चं ३.

तुह सम्मत्ते लद्धे,
चिंतामणि-कप्प-पायव-महिए.
पावंति अविग्घेणं,
जीवा अयरामरं ठाणं ४.

इय संथुओ महायस!
भत्ति-भर-निब्मरेण हिअएण.
ता देव! दिज्ज बोहिं,
भवे भवे पास! जिण-चंद! ५.